Менаџерот на Манчестер jунајтед, Ерик тен Хаг, зборуваше уште по еден слаб настап на Црвените ѓаволи оваа сезона, каде што загубија со 2-1 на гости кај Вест хем во натпреварот од деветтото коло на Премиер лигата. Сепак, Холанѓанецот демонстрираше висока самодоверба истакнувајќи дека крајниот резултат не секогаш покажува кој тим бил подобар на теренот.
„Во фудбалот, најдобриот тим не секогаш победува. Тоа овојпат беше исклучително очигледно и разбирливо. Игравме многу подобро од нашите противници и постојат две гледишта за ова: не ги искористивме нашите шанси и судијата донесе многу лоша одлука – како на теренот така и надвор од него. Мислам дека игравме многу добро. Беше задоволство да го гледам нашиот тим во првите 60 минути. Играта ни беше динамична, креативна, создадовме многу шанси“, изјави Тен Хаг.
Тој зборуваше и за судиските одлуки, кои според него, го оштетиле тимот на Манчестер јунајтед.
„Трипати оваа сезона чувствуваме неправда. Неправеден и неправилен е начинот на којшто беше досуден пеналот“, посочи Тен Хаг. „Разговарав со судиите, но одлуката е донесена и нема враќање назад. Тоа има големо влијание врз нашиот тим и врз резултатите и позицијата на табелата.“
„Сè што ни недостига е реализацијата. Пред сезоната бевме информирани како е организиран процесот на ВАР: тој се вмешува само кога грешката е очигледна и јасна. Ова не беше јасна и очигледна грешка, така што ВАР не требаше да се вмеша. Главниот судија го гледаше повторувањето три минути и со оглед на толку долгиот период на разгледување и влијанието врз играта, требаше да се воздржи од досудување пенал. Сочувствувам со моите играчи, играа одлично, се бореа како тим и фактот дека не успеавме да го победиме Вест хем е разочарувачки“, додаде Тен Хаг.
