Тетекс успеа да дојде до три бода пред својата публика на Градскиот стадион во Тетово, совладувајќи ја Слога Виница со 2-0 во претпоследниот натпревар од колото во ВМФЛ.
Ривалот од Виница добро се бранеше во првото полувреме, но отпорот беше скршен во продолжението од мечот. Во 65-тата минута Салији Меритон со удар од далечина, речиси 40 метри, го совлада голманот на Слога по негова несигурна интервенција и донесе водство за домаќините.
Во судиското продолжение, во 95-тата минута, Даути Даут со втор погодок ја запечати победата за Тетекс.
Последниот натпревар од оваа рунда ќе се одигра вечерва во Струмица помеѓу Брегалница и Детонит Плачковица.
