Рафаел Надал е полуфиналист во Мелбурн, на Отвореното првенство на Австралија и останува втор фаворит за триумф, зад првиот носител Новак Ѓоковиќ.
Во четврт-финалето против 21-годишниот Франсес Тифо, Надал доминираше и ги доби сите три сета, многу лесно. Стартот му беше извонреден и само за половина час го доби првиот сет со 6:3. Најдолго се играше во вториот сет, 47 минути, а и тука шпанскиот ас го имаше последниот збор и славеше со 6:4.
Последниот сет Тифо веќе и немаше сила да се спротивстави, па повторно само за половина час Надал ја заврши работата со 6:2 и 3:0 во сетови.
За Надал ова е јубилејно 30-то полуфинале на гренд слем турнирите, а за финале ќе игра против уште една сензација, Гркот, Стефанос Циципас.
Надал е вториот најтрофеен тенисер со 17 гренд слем титули, зад Федерер со 20, но има само еден пехар од Мелбурн. Турнирот го освои во 2009 година.
