Новата светска ѕвезда во пикадо, 16-годишниот Лук Литлер, би можело да заработи неколку десетици милиони фунти по поразот во финалето на Светското првенство.
An incredible reception for 16-year-old sensation Luke Littler ❤️ pic.twitter.com/ocYeSqba5r
— Sky Sports Darts (@SkySportsDarts) January 3, 2024
Тинејџерот кој во финалето на СП загуби од Лук Хамфрис со 7-4 во сетови, добил понуда вредна неколку милиони фунти од продуцентската куќа на боксерот Антони Џошуа за купување на правата на неговата приказна, која подоцна би била екранизирана.
„Како спортист, Антони го гледаше неверојатниот подем на Лук и смета дека неговата приказна е инспиративна. Би сакал да му помогне на Лук да ја раскаже својата приказна и Антони смета дека неговата понуда е една од најдобрите која ќе ја добие“, пишуваат англиските медиуми.
Таблоидот „Сан“ пишува дека постои вистинска војна за добивање на правата и тинејџерот и неговото семејство секојдневно добива понуди.
Според експертите за маркетинг, Лук би можело да заработи до 40 милиони фунти од продажба на правата, но и од спонзорски договори.
