Томас Милер, легендарниот напаѓач на Баерн Минхен, почнал да размислува за напуштање на клубот во којшто ја мина целата досегашна кариера, објави германски „Кикер“.
Искусниот Милер, кој има 34 години, а 15 години е дел од првиот тим на Баерн, бил незадоволен од минутажата сезонава.
Тренерот Томас Тухел не го гледа Милер како стартер и не само тоа, туку Милер не е приоритет ниту меѓу резервите. Како замени или придружници на Хари Кејн во шпицот и нападот се гледаат прво Матис Тел и Ерик Чупо-Мотинг, што се виде викендов против Лајпциг.
Милер мисли дека ситуацијата нема да се промени додека е Тухел на клупата, па најверојатно ќе направи трансфер следното лето.
