Mанчестер јунајтед ќе се обиде да го ангажира средниот играч на Њукасл, Сандро Тонали во летниот преоден рок. Според информациите од Англија, Црвените ѓаволи веќе го потврдиле интересот за Италијанецот и оствариле првични контакти со неговите агенти.
Во моментов нема постигнато никакви договори и преговорите не се во напредна фаза. Од Њукасл очекуваат во текот на летото да има сериозна активност на трансфер-пазарот околу Тонали.
Фудбалерот би се согласил да се пресели на „Олд Трафорд“, но само доколку Манчестер јунајтед успее да избори пласман во Лигата на шампионите за следната сезона. Тимот на Мајкл Карик е на добар пат тоа да го стори.
Во тековната сезона, италијанскиот репрезентативец учествуваше на вкупно 47 натпревари во дресот на Њукасл, постигнувајќи три гола и седум асистенции.
