Чичкото и некогашен тренер на Рафаел Надал, Тони Надал, рече дека Карлос Алкарас имал среќа што играл против противници од „понизок квалитет“ на патот до освојување на гранслем-титулата на Отвореното првенство на Австралија.
Шпанецот во финалето го победи Новак Ѓоковиќ и со само 22 години, стана најмладиот тенисер во историјата што ги освоил сите четири гранслем-титули во својата кариера.
„Тој има исклучителни физички способности и одлична техника, а со сето тоа и среќа: неговите противници моментално се со понизок квалитет. Не го кажувам дека сум чичко на Рафа, туку реален сум. Порано, кога игравте против Дел Потро, Мареј или Вавринка, знаевте дека натпреварот ќе биде тежок. Ако имаа добар ден, можеа да ве победат“, рече Надал.
Алкарас на патот до трофејот ги победи Адам Волтон, Јаник Ханфман, Корентин Муте, Томи Пол, Алекс де Минор, Александар Зверев и Ѓоковиќ.
Тони Надал смета дека Зверев може да ја прекине доминацијата на Алкарас и Синер на гранслемите, но ако смени некои навики во својата игра и карактерот.
