Елмас Елмас повторно може да се врати во италијанската Серија А. Според некои од медиумите во Италија, калчолигашот Торино покажал интерес да го доведе македонскиот репрезентативец во своите редови.
Најавите се дека Торино побарал од Лајпциг да го пуштат Елмас на позајмица до крајот од сезоната, но уште нема одговор од актуелниот клуб на Елиф. Лајпциг плати 25 милиони евра за да го доведе Елмас во своите редови, но едоставно Дијамантот не доби вистинска шанса да се докаже и најчесто е на клупата за резервни играчи.
Македонскиот репрезентативец има одлични спомени од играњето во Серија А затоа што пред да направи трансфер во Лајпциг, како играч на Наполи ја освои титулата. Тоа беше прво Скудето за Наполи по пауза од повеќе од 30 години.
Торино моментално е на десеттото место на табелата со 23 бода од 21 натпревар. Тимот има постигнато 21 гол, што значи дека имаат потреба од засилување во офанзивниот ред, токму таму каде што игра Елмас.
🚨 #Torino tentativo per Eljif #Elmas. Il centrocampista è stato chiesto in prestito al #RBLipsia.
— Gianluigi Longari (@Glongari) January 21, 2025
