Тотенхем закажа осминафинална пресметка против Евертон во ФА купот по триумфот од 4-1 над второлигашот Викомб. Прилично силниот состав на Жозе Мурињо доста се мачеше да ја издвои победата ако се знае дека до 85-тата минута резултатот беше 1-1.
Онјединма изненади во 25-тата минута, по одличната акција на домаќините, која им донесе водство од 1-0, па на неколку секунди пред паузата Бејл израмни.
https://twitter.com/EmiratesFACup/status/1353804023023820800
Гостите доминираа во целото второ полувреме, но дури во 86-тата минута успеаја да го пробијат одбранбениот ѕид на Викомб преку Винкс, а само две минути подоцна Ндомбеле стрелаше за 3-1. Францускиот играч за врска уште еднаш ја затресе мрежата во судиското надополнување поставувајќи го убедливиот резултат.
https://twitter.com/EmiratesFACup/status/1353819508478103553
