Тотенхем вчера загуби на свој терен од Нотингам форест, кој им е директен конкурент во трката за опстанок. Шумарите беа убедливи и со 3:0 победија на стадионот на Тотенхем, стигнувајќи го со 32 бода, прескокнувајќи го токму Тотенхем на табелата. Тотенхем остана на 30 бода и има само еден бод повеќе од Вест хем, кој е во зоната за испаѓање. За Тотемхем тоа беше десетти пораз на свој терен и убедливо е најлошиот домаќин во првенството.
Делува неверојатно, но Тотенхем нема ниту една победа во Премиер лигата во 2026 година. Овој тим одигра вкупно 13 лигашки дуели, во кои претрпе осум порази, а петпати одигра нерешено. Ваква лоша низа од 13 средби без победа во првенството Тотенхем немал речиси еден век, односно од далечната 1935 година.
| Tottenham Hotspur are still in the Premier League in 2026. ❌ pic.twitter.com/l0N9eo69oc
— økc (@okcx04) March 22, 2026
Само три клуба во историјата на Премиер лигата имале полош старт на една календарска година од Тотенхем, а тоа се: Сандерленд во 2003 година, Дерби каунти во 2008 година и Мидлсборо во 2017 година. Сите три тима кои имале толку лош старт на една календарска година, на крајот од сезоната не успевале да се спасат од испаѓање, што значи дека на Тотенхем му се подготвува „црно сценарио“.
Сепак, има уште седум кола до крајот, период во кој Тотенхем ќе има шанси да го поправи впечатокот, а секако и конечно да се израдува на победа во 2026 година.
Tottenham are winless in 13 Premier League games (D5, L8), their longest run since 1935.
Only three teams have had longer winless starts to a calendar year in PL history (Sunderland 2002–03, Derby 2007–08, Middlesbrough 2016–17)
All were relegated. pic.twitter.com/5JD7zxuvZy
— Football (@WR_football_) March 22, 2026
