Шпанскиот фудбалски тренер, Фернандо Мартин, загина заедно со неговите три деца на одмор во Индонезија. Четворицата настрадале кога спортскиот брод со кој се возеле налетал на невреме со бранови високи и до три метри.
На бродот имало вкупно 15 луѓе, од кои седум се спасени, а четворица од нив се членови на екипажот. Меѓу они кои имале среќа да бидат спасени од поморските власти е и сопругата на Мартин, како и неговата седумгодишна ќерка Мер.
Фернандо Мартин беше тренер на Б тимот на женската екипа на Валенсија. Тој со сопругата и четирите деца ја користеле паузата во првенство за одмор во Индонезија, кој на крајот заврши трагично.
„Длабоко сме ожалостени од смрта на Фернандо Мартин, тренерот на Валенсија феменино Б и неговите три деца во трагичната несреќа во Индонезија, што ја потврдија и локалните власти.“ – се вели во соопштението од Валенсија.
