Мажот кој колабираше на целната линија на полумаратонот во Лондон починал, соопштија организаторите на настанот. Кори Расел учествувал на полумаратонот „Ројал Паркс“ во центарот на Лондон во неделата, кога се урнал на земја веднаш по минувањето низ целта во Хајд Парк.
Организаторите соопштија дека на Кори Расел му била укажана итна медицинска помош на самото место, пред да биде пренесен со брза помош во болница.
Во денешното соопштение организаторите изјавија:
„Со длабока тага ја потврдуваме смртта на учесник во полумаратонот Ројал Паркс 2025. Сите вклучени во организацијата на полумаратонот сакаат да изразат искрено сочувство до семејството и пријателите на Кори.“
Семејството побарало приватност, па во согласност со нивните желби нема да бидат објавени дополнителни информации.
Причината за смртта на Кори Расел ќе биде утврдена подоцна, по извршената обдукција, потврдија организаторите.
