Јорданскиот боксер Рашед Ал-Свејсат почина во болницата во Кјелце по 11 дена откако претрпе кобен нокаут на Светското јуниорско првенство во Полска, објави Меѓународната боксерска федерација (АИБА). Ал-Свејсат претрпе тешки повреди на главата во борбата против Антон Виноградов од Естонија, во категорија до 81 килограм.
По нокаутот, на Ал-Свејсат веднаш му беше дадена прва помош во рингот, а потоа итно беше пренесен и во болница, каде што имаше операција на главата. За жал, по 11 дена борба за живот, тинејџерот почина.
„Рашед е во нашите срца и во нашите молитви. Нашите мисли се со неговото семејство, пријателите и колегите од репрезентацијата, на кои им изразуваме искрено сочувство“, објавија од АИБА.
It is with deep sadness that we learned of the passing of Rashed Al-Swaisat of Jordan, who had been admitted to hospital on April 16 further to his fight during the AIBA YWCHs. Our thoughts are with his family, friends and teammates, to whom we offer our sincere condolences. pic.twitter.com/UGKVupJT4e
— AIBA (@AIBA_Boxing) April 27, 2021
