И кога не дава голови, Златан Ибрахимовиќ е во центарот на вниманието. Најдобриот фудбалер на Милан не се прослави во победата од 3:0 над Спарта Прага откако промаши пенал во првото полувреме, а потоа на полувремето беше заменет.
За Ибрахимовиќ ова е трет промашен пенал од последните пет што ги изведе, а во Топ 5 лигите во Европа нема ниту еден друг ваков лош реализатор на најстрогата казна. Тренерот на Росонерите, Стефано Пиоли, објасни зошто Ибрахимовиќ не играше во второто полувреме против Спарта.
3 – Zlatan Ibrahimovic has missed three of his last five penalties taken for AC Milan, more than any other top-5 European leagues player in all competitions since August 2020. Wasteful.#MilanSpartaPraga pic.twitter.com/T5zxUHRWXR
— OptaPaolo (@OptaPaolo) October 29, 2020
„Измената со Рафаел од претходно беше најавена. Златан е шампион и ако го прашав дали сака да продолжи да игра и во второто полувреме, сигурно ќе останеше. Сепак, мора да ги чува силата и енергијата за следните дуели“, објасни Пиоли.
И без голгетерската помош на Ибра, Милан славеше со 3:0 и постави рекорд кој Росонерите го немале во последните 90 години.
