Реал Мадрид пропушти шанса да се искачи на врвот од табелата во шпанското првенство откако одигра само 3:3 на гостувањето кај Рајо Валјекано. Реал губеше со 2:0, потоа водеше со 3:2, па на крајот заврши нерешено.
При резултат 3:3, во шеснаесетникот на Хетафе се случи еден спорен момент, а главниот судија Хуан Мартинез Мунуере реши дека нема пенал за Реал Мадрид. Се играше 76 минута кога Винисиус јуниор беше фаулиран во шеснаесетникот на домаќините, но пенал немаше.
Si vous regardez bien c’est Bellingham qui frappe vinicius en premier pic.twitter.com/pmj8U4Dksx
— _ (@Msn_sis0) December 14, 2024
Очигледно е дека домашниот фудбалер Мунин го удира Винисиус по ногата, но во близина е и Белингам, кој истотака стартува и според покажаната снимка, прв го удира соиграчот Винисиус.
„Беше очигледен пенал за Винисиус. Тоа е многу јасно“, рече тренерот на Реал, Карло Анчелоти по мечот. Шпанскиот стратег додаде дека и минатата сезона неговиот тим не победил на гостувањето кај Рајо, па на крајот бил шампион на Шпанија.
They are actually complaining about a foul on Vinicius committed by Bellingham, his own teammate..
La Liga even zoomed in on it for everyone in 4K, but even that isn’t enough for this club https://t.co/fQX49HuvAi pic.twitter.com/L8WoXOVBH0
— Jan (@FutbolJan10) December 14, 2024
Интересно е дека и тренерот на Рајо, Иниго Перес мисли дека во таа ситуација можело да биде досуден пенал за Реал.
„Не сакам да лажам и мислам дека Мунин го удри Винисиус. Секогаш се обидувам да бидам искрен и кога ја видов таа ситуација реков дека може да биде и пенал. Тоа се деликатни работи кои внимателно треба да се проверат во ВАР собата“, рече Перес по мечот.
