Поранешниот дефанзивец на Ливерпул, Трент Александер-Арнолд, се врати во градот заедно со Реал Мадрид за вечерашниот натпревар од Лигата на шампионите.
Фудбалерот беше дел од делегацијата на Реал Мадрид, која положи венец пред споменикот на Диого Жота пред „Енфилд“.
🎥 Trent, Dean Huijsen, Xabi Alonso, Emilio Butragueño pay tribute to Diogo Jota at Anfield. @javiherraez 🙏❤️ pic.twitter.com/PlSXYSFzRw
— Madrid Zone (@theMadridZone) November 3, 2025
Александер-Арнолд беше придружуван од тренерот на Кралевите и поранешна ѕвезда на Ливерпул, Чаби Алонсо, од својот соиграч Дин Хаусен и од легендарниот Емилио Бутрагењо.
Диого Жота загина во сообраќајна несреќа заедно со својот брат Андре во јули.
По смртта на Жота, Ливерпул постави споменик за популарниот Португалец пред стадионот, а Александер-Арнолд синоќа положи цветен венец во чест на својот поранешен соиграч.
Рачно напишаната порака на Александер-Арнолд гласеше: „Мој пријателе, Диого, многу ни недостигаш, сѐ уште си толку сакан. Споменот за тебе и за Андре секогаш ќе живее. Секогаш се насмевнувам кога ќе помислам на тебе и секогаш ќе ги паметам прекрасните моменти што ги споделивме. Ми недостигаш, пријателе, секој ден. Засекогаш 20 YNWA. Со љубов, Трент и семејството.“
На местото беше поставена и конзола за игри во чест на познатата љубов на Жота кон видеоигрите.
Ливерпул го повлече бројот „20“ од употреба по ненадејната смрт на Жота, кој се приклучи на клубот од Вулверхемптон во септември 2020 година.
