Третиот најскап фудбалер во историјата, Филипе Кутињо, кариерата ќе ја продолжи во Катар. Тој веќе ги има договорено личните услови со Ал-Духаил и останува само уште да се договори висината на обесштетувањето со Астон вила.
Тој во 2018 година направи трансфер од Ливерпул во Барселона вреден 135 милиони евра, што сè уште е трета најголема сума по трансферите на Нејмар и Мбапе во ПСЖ.
Сепак, Кутињо не ги оправда вложените средства и беше испраќан на позајмици во Баерн Минхен и Астон вила, а потоа неговиот договор беше откупен од премиерлигашот само за 20 милиони евра.
