Циркус Медрано: Катар плаќа Пакистанци за да глумат навивачи на Англија, Германија, Бразил…(Видео)

Организаторот на Светското првенство стана цел на потсмев, претежно на европските медиуми и навивачи, бидејќи во недостиг на вистински навивачи, ангажира работници кои работеа на изградба на стадионите да глумат фанови на репрезентациите што ќе играат на Мундијалот.

Низ улиците на Доха може да се видат навивачи, најмногу Пакистанци, облечени во дресови на Бразил, Аргентина, Германија, Англија како навиваат и скандираат пред камерите.

Социјалните мрежи се преполни со комични видеа на кои платените навивачи пеат навивачки песни или слогани кои се препознатливи за европските репрезентации, но и за тие од Јужна Америка.

 

 

Светското првенство во Катар започнува за два дена, а домаќинот со своите потези покажува дека не е способен да организира големо натпреварување.

Пред неколку дена, агенти за безбедност влетаа во емисија во живо и на данскиот новинар му се закануваа дека ќе му ја искршат  камерата, па откако организаторот увиде дека целиот свет го осуди нивниот обид, ѝ се извинија на ТВ-екипата и ветија дека сите акредитирани новинари ќе можат слободно да известуваат од сите локации во Доха.

Вчера главна вест беше таа дека Катар купил осум репрезентативци на Еквадор за 7,4 милиони долари за домаќинот да слави на првиот натпревар на Мундијалот, и тоа со 1:0.

Денеска, пак, вест на денот е информацијата дека катарското кралско семејство врши притисок врз ФИФА целосно да го исфрли алкохолот од стадионите.

- Оглас -

Најнови вести