Фудбалерите на Манчестер јунајтед експресно се опоравија од историскиот пораз од Ливерпул од 7:0 минатиот викенд, и пред своите гледачи го совладаа Бетис во првиот осминафинален натпревар во Лигата на Европа.
Црвените ѓаволи на „Олд трафорд“ со победа од 4:1 над Бетис, „им се извинија“ на своите навивачи за дебаклот со Ливерпул.
Победата ја најави Маркус Рашфорд со голот во шестата минута, но до крајот на првиот дел, Перез испеа да го израмни резултатот.
Во второто полувреме, Ѓаволите работата ја завршија за шест минути, прво Антони во 52-та погоди за 2:1, а потоа Бруно Фернандеш зголеми на 3:1. Конечниот резултат го постави Вут Вергхорст во 82-та минута.
Другите два големи фаворити за триумф во Лигата на Европа, остварија победи на домашен терен. Јувентус благодарение на голот на Анхел ди Марија во 53-та минута, му го нанесе првиот пораз на Фрајбург сезонава во Лигата на Европа.
Севилја пак го совлада Феенербахче со 2:0. Првиот гол го постигна Џордан во 56-та минута, а конечниот резултат го постави Ерик Ламела.
Шахтјор и Феенорд во последниот вечерен дуел одиграа без победник 1:1. Резултатот го отвори Ракицки во 79-та минута, а Феенорд од пораз се спаси во 88-та минута со голот на Булауде.
