Играа на гостински терен, но по завршување на натпреварите, репрезентациите на Турција, Грција и Косово се радуваа во баражите од Лига на нации. Турција победи на гости кај Унгарија со 3:0, а на тоа ако се додаде и победата од 3:1 на првата средба, значи дека Турците со вкупен резултат од 6:1 се пласираа во А сегментот во Лига на нации, а Унгарија ќе се пресели во Б сегментот.
Во А сегментот се пласираше и Грција, откако на гости во глазгов убедливо со 3:0 ја победи Шкотска. Во првиот меч во Атина, Грците загубија со 0:1, но сега одиграа многу подобро и по нецели 50 минути водеа со 3:0, а на крајот и се радуваа на пласман во елитната група од Лига на нации.
Во Б сегментот ќе игра Косово, откако вечерва победи на гости кај Исланд со 3:1. Ако на тоа се додаде и триумфот од првиот меч во Приштина (1:0), значи Косово е подобар во овој двомеч со вкупно 4:1.
