Кошаркарската репрезентација на Турција ќе игра против Германија во финалето на Европското првенство в недела. Турската селекција одигра фантастичен меч во полуфиналето и убедливо со 94:68 го победи големиот ривал Грција.
Ова полуфинале се најавуваше дека треба да биде неизвесно, но на теренот ситуацијата беше сосема поинаква. Турција започна со 7:0, а по првата четвртина водеше со 26:16. Фуриозната игра на Турција продолжи и во втората четвртина и во еден момент имаа предност од 21 разлика (45:24).
Turkish 🇹🇷 defense is absolutely suffocating 😶🌫️#EuroBasket x @TBF pic.twitter.com/W2Jl2OFJ9X
— FIBA EuroBasket (@EuroBasket) September 12, 2025
Уште тогаш беше јасно дека Турција која реди само победи на Евробаскетот, е на пат кон финалето. Во третата четвртина неколку пати предноста на Турција стигна и нереални 26 поени (72:46).
И во последната четвртина, Турција беше подобра и на крајот стигна до една од најубедливите победи против големиот ривал.
Големото финале ќе се игра в недела, а Турција ќе се обиде да стигне до првата европска титула.
