Играчот од средниот ред на Лидс, Луис Бејкер, ќе се врати во редовите на Челзи откако тренерот Маурицио Сари побара да биде прекинат договорот за позајмица на 23-годишното момче.
Ова е голем удар за амбициите на Лидс, екипа за која игра нашиот репрезентативец Езџан Алиоски. Клубот од Јоркшир бие битка за директен пласман во Премиер лигата и засега му оди добро, но заминувањето на Бејкер ќе биде голем хендикеп.
Луис ги има минато сите младински селекции на Англија и е голем талент, а на познатиот турнир во Тулон, Франција беше најдобар стрелец и ја доби Златната копачка во 2016 година.
Интересно е што за поранешниот капитен на англиската репрезентација за играчи до 20 години позајмицата во Лидс беше петта за него откако е член на Челзи, но сега е можно да остане подолго во премиерлигашот од Лондон.
