Договорот на Душан Влаховиќ и Јувентус истекува налето и српскиот интернационалец ќе биде слободен агент, но „старата дама“ сега има далеку поголем проблем. Влаховиќ оваа сезона постигна шест гола, но на мечот против Каљари се повреди и мораше да биде заменет уште во првото полувреме.
Дополнителните прегледи покажаа дека повредата не е наивна, па Србинот ќе паузира два до три месеци, а тоа значи дека ќе се врати на фудбалските терени дури на пролет.
Јувентус во моментов е седми на табелата во Серија А, па повредата на Влаховиќ е голем удар за екипата, без разлика што неговиот договор истекува и нема најава за продолжување.
Повредата е голем проблем и за самиот фудбалер, бидејќи сега ќе биде спречен да бара нов клуб уште зимава, а и доколку го најде, нема да може веднаш да игра.
