Дисциплинската комисија на Европската фудбалска асоцијација, УЕФА, го казни Миралем Пјаниќ со два натпревари неиграње, поради директниот црвен картон добиен на мечот БиХ-Грција од квалификациите за ЕП 2020.
Плејмејкерот на Јувентус беше исклучен брзо по голот со кој нашите јужни соседи намалија на 1-2, а потоа со играч повеќе, Грците дојдоа и до 2-2. Суспензијата од два меча значи дека Пјаниќ нема да им помогне на своите сонародници на тешките дуели со Финска и Италија на гости.
Селекторот Роберт Просинечки ќе мора да наоѓа алтернативи, но не е лесно да се најде соодветна замена за човекот кој го држи целиот среден ред на „змејовите“, а беше и стрелец на гол против Грците.
