Украинскиот голман Денис Шелихов е нов фудбалер на Славија Можур од Белорусија. Сето ова не би било некаква вест, ако не се знае дека тој границата ја минал нелегално, откако ја препливал „реката на смртта“, како што ја нарекуваат реката Тиса.
Токму реката Тиса е „омиленото“ место на Украинците за нелегално да побегнат од државата, но не сите успеаваат во тој подвиг. Шелихов два месеца тајно се подготвувал за да ја преплива реката и тренирал со специјална опрема, а вчера и официјално беше претставен во Славија Можур.
„Не ми поставувајте такви прашања, разбирате? Вие не сте тие кои треба да ме прашуваат тоа! Кои сте вие, обвинители? Прашајте ја граничната служба“, ова се зборовите на Денис Шелихов кон украинските новинари кои го прашувале како ја минал границата.
