Анадолу Ефес му нанесе тежок пораз на Партизан од 97-65 и тоа во Белград.
Ова беше веројатно најлоша партија во Евролигата за Црно-белите откако на клупата им се врати тренерот Жељко Обрадовиќ. Тој пак, рече дека одиграле без желба и жар, и дека дури и на пријателски мечеви имале повеќе желба за победа отколку вечерва, што е чудно, со оглед на тоа дека на Партизан му требаше победата бидејќи се бори за влез во плеј-ин разигрувањето.
За Ефес тоа беше четврта победа по ред, а за Партизан трети пораз во низа.
Сега Партизан е на биланс 15-15, има една победа помалку од десеттопласираниот. Партизан во последните четири кола игра по два меча дома (со Алба и Реал Мадрид) и на гости (со Баерн и Жалгирис).
Важна победа извојува Барселона против Жалгирис од 82-70, што за Каталонците е трети триумф по ред, и имаат шанса да изборат директен пласман во плејофот. Панатинаикос не дозволи кикс против „фенерџијата“ Алба, победи со 91-81 и остана трети на табелата, сега со бод помалку од второпласираниот Фенербахче.
