Мемфис гризлис приредија драматичен подвиг и пресврт на гостувањето кај Јута џез и од негатива од 118:112 што ја имаа на една и пол минута до крајот со фантастична серија од 7:0, победија со 119:118.
Јунак беше Џерен Џексон јуниор со потфат што ретко се гледа и во НБА-лигата.
На 12,4 секунди до крајот, при предност на Јута од 118:116, Џексон освои „мртва“ топка во дуелот со Руди Гобер, а потоа погоди тројка за победа на 6,7 секунди до крајот на мечот.
JAREN JACKSON JR. WINS THE TAP AND DRAINS THE THREE FOR THE @memgrizz WIN! pic.twitter.com/nkPEgWaiM0
— NBA (@NBA) November 23, 2021
Во последниот напад се обиде да возврати Донован Мичел, но промаши за голема радост на кошаркарите на Мемфис, кои сега имаат позитивен биланс од 9 победи и 8 порази.
Голем пресврт направија и кошаркарите на Бруклин нетс и двоцифрената негатива од полувремето против Кливленд кавалирс ја претворија во победа од 117:112 како гости.
Со фантастично одиграно прво полувреме што го добија со 77:36, шампионите од Милвоки го декласираа Орландо меџик со 123:92.
На крајот на третиот период, разликата беше огромна, 49 поени разлика, 105:56 за Бакс, но Орландо успеа да ја добие последната четвртина со 36:18 и да го ублажи високиот пораз.
Резултати: Кливленд – Бруклин 112:117, Вашингтон – Шарлот 103:109, Атланта – Оклахома 113:101, Бостон – Хјустон 108:90, Чикаго – Индијана 77:109, Милвоки – Орландо 123:92, Њу Орлеанс – Минесота 96:110, Сан Антонио – Феникс 111:115, Јута – Мемфис 118:119, Сакраменто – Филаделфија 94:102.
