Јувентус победи на гости кај Верона со 1:0 благодарение на голот на Мојс во 60-тата минута, но домаќините имаа реакции на судењето. Верона, која е последна на табелата во Серија А, само со шест бода, очекуваше да добие барем еден пенал во дуелот против Јувентус, но тоа не се случи.
Едната ситуација беше кога по еден шут на домашните фудбалери, топката удри во раката на Данило, но иако се гледаше ВАР-снимка, одлуката беше дека не треба да има пенал за Верона.
FURTO A MANO ARMATA #VeronaJuve pic.twitter.com/CrJ62Kru70
— FMCR (@FMCROfficial) November 10, 2022
Втората спорна ситуација беше кога Бонучи направи прекршок во шеснаесетникот, но и тогаш арбитрите останаа без реакција и Верона не доби пенал.
На крајот, Јувентус стигна до петтата победа во низа без промен гол.
