Од канцеларијата на ФК Вардар информираа дека билетите за хуманитарниот меч против Црвена ѕвезда кој ќе се игра на 16 април на арената „Тодор Проески“ ќе бидат по популарни цени од 100 и 200 денари.
Билетите за Северна и Јужна трибина ќе се продаваат по 200 денари, а само 100 денари чинат билетите за Исток и Запад.
Претседателот на Вардар, Миленко Неделковски, потенцира дека секој што ќе биде на стадион, ќе мора да плати карта, а собраните средства ќе бидат наменети за настраданите во трагедијата во Кочани. Единствено бесплатен ќе биде влезот за децата од основните школи од Кочани.
„Бесплатно за децата од основните школи од Кочани што организирано би дошле.
Сите други плаќаат, почнувајќи од мене и Претседателот на ФФМ до секој добронамерник и хумана личност што ќе дојде на натпреварот“, вели Неделковски.
