Актуелниот освојувач на Купот на Македонија, Вардар, за продолжение од сезоната ќе биде посилен за двајца репрезентативци на Уганда. Се работи за напаѓачот Фахад Бајо и дефанзивецот Муса Рамат, а и двајцата пристигнуваат од екипата на Волвало Адиграт од Етиопија.
Бајо има 22 настапи и осум гола за репрезентацијата на Уганда, а освен во Етиопија, има настапувано и за Висков од Чешка, Ашдод и Бнеј Сакнин од Израел, Билдкон од Туркменистан, како и за Вајперс и Пролајн во татковината.
Дефанзивецот Муса Раматан има само еден настап за селекцијата на Уганда, а освен за Волвало, има играно и за Висков од Чешка, втората екипа на Синсинати во САД, како и за КЦЦА во родната Уганда.
