Швајцарскиот ветеран Станислас Вавринка кој на крајот на годинава ќе ја заврши кариерата како професионален тенисер, денеска испиша историја, бидејќи на турнирот во Ротердам победи Холанѓанецот Таис Богард кој е дури 23 години и 100 дена помлад од него.
Вавринка има 40 години, а само еднаш во историјата на АТП турнирите имало меч со поголема разлика помеѓу двајца тенисери. Тоа беше во 2011 година во Виена, кога тогашната сензација Доминик Тим на 18-годишна возраст го совлада Германецот Томас Мустер, шампионот на „Ролан Гарос“ од 1995 година, кој тогаш имаше 44 години и беше 25 години и 11 месеци постар од Тим.
Сега Вавринка може да се пофали дека во кариерата играл и против тенисер роден во 1972 година и против тенисер роден во 2008 година.
