Тимо Вернер беше искрен и призна дека ја одиграл најлошата сезона во кариерата, тековната како играч на Челзи, а како потврда се големиот број неверојатни утки.
Една од нив, за наша среќа, беше во Дуисбург во дресот на германската репрезентација, кога Тимо утна чист зицер против Македонија при резултат 1:1.
Казната ја испорача Елиф Елмас со гол за победа од 2:1 на нашите фудбалски херои, што одекна како првокласна сензација во светот на фудбалот.
Дека е во лоша форма, Вернер потврди и вчера со трагикомичниот обид за ножички, а ударот заврши далеку од голот на Лисиците.
