Фудбалерот на Реал Мадрид, Винисиус јуниор, ја доби наградата за најдобар светски фудбалер во изборот на ФИФА. Церемонијата The Best се одржа во Доха, во предвечерјето на утрешното финале на Интерконтиненталниот куп, во кое ќе играат Реал Мадрид и Пачука.
Интересно е дека во изборот за Златната топка, Бразилецот загуби од Родри, фудбалерот на Манчестер сити, по што комплетната структура на Реал Мадрид ја бојкотираше таа манифестација.
Во женска конкуренција, за најдобра беше избрана Ајтана Бонмати, фудбалерката на Барселона и шпанска репрезентативка.
Најдобар голман е Емилијано Мартинес, а најдобра голманка е Алиса Нехер.
За најдобар тренер кај мажите е избран стратегот на европскиот првак Реал Мадрид, Карло Анчелоти. Кај дамите, лауреат е Ема Хејес.
It had to be her…
— FIFA Women’s World Cup (@FIFAWWC) December 17, 2024
Marta wins the first-ever Marta Award! 🇧🇷💫
Беше избран и најдобриот тим за 2024 година во машка и во женска конкуренција. Од оваа година се воведува и специјалното признание за фудбалерките „Марта“, а првата награда ја доби токму легендарната бразилска фудбалерка Марта.
#TheBest FIFA Men’s 11 in 2024. 🌟
— FIFA World Cup (@FIFAWorldCup) December 17, 2024
#TheBest FIFA Women’s 11 in 2024. ✨
— FIFA Women’s World Cup (@FIFAWWC) December 17, 2024
