Кога е на теренот, Винисиус јуниор секогаш сака да е во центарот на вниманието. Некогаш тоа е благодарение на неговата одлична игра, но сè почесто се случува за Бразилецот да се зборува поради неспортски потези, односно провокациите на кои тој е главен режисер.
На синоќешниот пријателски меч против Шпанија, Винисиус ја доби честа да биде капитен на Бразил, и тоа откако пред средбата, на прес-конференцијата, Бразилецот заплака, а пораката му беше дека „само сака да игра фудбал“, а не и да биде цел на навреди на расна основа и непријателски однос од противничките навивачи.
Сепак, не првпат Винисиус покажа дека тој и не е толку мирен фудбалер кој само го напаѓаат, туку и дека често токму тој е оној кој ја започнува тензијата на теренот. Синоќа на „Сантијаго Бернабеу“ Винисиус во еден момент дојде до Лапорт и со лакт го удри во грбот, и тоа без никаква причина, а потоа се случи мешаница.
Подоцна Лапорт го постираше видеото на социјалните мрежи и го исмеа Винисиус со пораката „можеби сакаше да танцува?“.
Quizá quería bailar..? 🕺🏻🤷🏻♂️😂 https://t.co/2zSbkjOpNi
— Aymeric Laporte (@Laporte) March 26, 2024
