Напаѓачот на Реал Мадрид, Винисиус Јуниор, се соочува со нов предизвик во животот откако реши да инвестира во фудбалски клуб. Весникот „Рекорд“ пренесува дека Бразилецот е дел од конзорциумот кој неодамна стана мнозински сопственик на португалскиот второлигаш Алверка.
Винисиус, заедно со шпански и бразилски инвеститори, купија меѓу 70 и 80% од акциите на скромниот тим од Лисабон. Финансиските детали од договорот засега не се познати.
ФК Алверка може да се нарече дека е „бразилски клуб“ бидејќи во својот ростер има дури 13-мина Бразилци. За споредба, португалски фудбалери се само седуммина. Тимот бележи значителен раст бидејќи минатата сезона играше во третата лига, а моментално е на второто место во втората лига и цели кон промоција во португалската елита.
Que casa bonita 🔵🔴 FORÇA, ALVERCAAAA#VoaAlverca pic.twitter.com/FYOScqaQmO
— FC Alverca (@FCAlverca) February 16, 2025
Историски гледано, ФК Алверка има познати играчи од минатото, како Деко, Маниш и Рикардо Карваљо.
Винисиус е вториот играч на Реал Мадрид кој станува сопственик на еден клуб. Претходно тоа го направи Килијан Мбапе. Французинот плати 20 милиони евра за 80% од акциите на Каен, тим кој игра во втората лига во Франција.
