Од денеска, во Англија и Велс во сила стапуваат значително построги правила за прекршоци поврзани со влез на фудбалските стадиони. Влегувањето на стадион без важечки билет сега ќе се смета за кривично дело, а новите мерки предвидуваат парични казни до 1.000 фунти, како и забрана за одење на стадиони до пет години.
Новите правила веќе се во сила за финалето на Лига купот на Вембли помеѓу Арсенал и Манчестер Сити. Една од главните причини за толку строгите нови прописи беа и хаотичните сцени од финалето на Европското првенство во 2024 година, кога стотици луѓе нелегално влегоа на стадионот за време на финалето кое се играше на Вембли во Лондон.
Отсега, ќе биде казниво свесното користење лажни билети, лични карти или акредитации, како и обидот за влез во натпревар на таков начин.
