Последното 35-то коло во Серија А се комплетираше со два пресврти. Откако Удинезе претходно вечерва го изненади Јувентус, на сличен начин триумфираше и Лацио во дуелот против Калјари со 2-1.
Гостите при истекувањето од регуларните минути во првото полувреме поведоа преку Симеоне, но нивната предност не траеше долго. Сергеј Милинковиќ-Савиќ со спектакуларен потег израмни на 1-1 во 47-мата минута, а по еден час игра Небесносините дојдоа до пресвртот со помош на Чиро Имобиле.
На асистенција на Алберто, Имобиле го постави конечниот резултат и стигна до 31-виот гол во Калчото за оваа сезона, па одново е лидер во трката за Златната копачка со еден гол пред Кристијано Роналдо.
Immobile scores in the 60’ to complete the comeback for Lazio (-210) and they go up 2-1 on Cagliari.
The O/U was 3.https://t.co/S5k5GOg4Jd
— Bet The Footy (@betthefooty) July 23, 2020
Лацио конечно, по пет разочарувања, успеа да освои три бода во Серија А, сега има 72 бода на четвртото место, со еден помалку, односно два зад Интер и Аталанта. Калјари остана на 13-тата позиција со 42 бода.
