Видад Казабланка по третпат е африкански првак, а во финалето вечерва го победија најтрофејниот тим на континентот, Ал Ахли од Каиро со 2:0.
Двата гола на Зухеир Ел Мутараџи беа феноменални, првиот со топовски удар од над 25 метри, а вториот по одличната акција на мароканскиот тим.
Голот што е вистинско ремек-дело на Ел Мутараџи, прв во финалето во Казабланка можете да го погледнете ОВДЕ.
Видад ја искористи предноста да игра на свој терен во Казабланка и пред своите навивачи и ја освои третата шампионска круна во Лигата на шампионите на Африка.
https://twitter.com/GOALAfrica/status/1531378894011498500?s=20&t=r5LaOdecE-botr6KdL8EFQ
Ал Ахли не успеа да направи хет-трик, откако претходните две сезони го освојуваше пехарот, но останува убедливо најтрофејниот клуб во Африка со 10 титули.
