Одличниот напаѓач на Ривер плејт, Аргентинецот Хулијан Алварес, потпиша за Манчестер сити, но нема да го носи дресот на Граѓаните во следната сезона.
Англискиот првак одлучил да го позајми 22-годишниот Алварес и тоа најверојатно во Олимпик Марсеј. За Алварес нема да има место во нападот на Сити, бидејќи го купија Ерлинг Халанд, и јасно е дека Норвежанецот ќе биде стартер.
Алварес неодамна го воодушеви светот кога постигна дури 6 гола на натпревар од Копа Либертадорес, кој е Лига на шампиони во Јужна Америка. Сепак, прво ќе се кали во француската лига, а потоа можеби ќе добие шанса и во Премиерлигата.
