Бразилскиот репрезентативец Фабињо вчера вечерта и официјално беше промовиран во нов фудбалер на саудискиот Ал-Итихад, кој на Ливерпул му плати 46 милиони евра отштета.
Бразилецот со Ал-Итихад потпиша тригодишен договор и стана вториот фудбалер на Ливерпул, по капитенот Џордан Хендерсон (Ал-Етифак), кој кариерата ја продолжува во Саудиска Арабија.
Во Ал-Итихад му приредија интересно претставување на Фабињо. Бразилецот првично одби да се пресели во Саудиска Арабија бидејќи не сакаше да се одвои од своето куче, француски булдог, раса која е забранета во оваа земја. Но, потоа беше најдено решение за проблемот со кучето на фудбалерот и Фабињо се согласи да се пресели во Саудиска Арабија.
На промотивнито видео кое Ал-Итихад го објави на официјалниот профил на „Твитер“, Фабињо наместо куче, шета тигар, (прекарот на Ал-Итифад е тигри).
Ал-Итихад летово донесе уште две големи фудбалски ѕвезди, Карим Бензема од Реал Мадрид и Н’голо Канте од Челзи.
https://twitter.com/i/status/1686100407506833409
Fabinho behind the scene of the announcement videohttps://t.co/GnyIwFo5vT pic.twitter.com/kfs6fqfIjy
— Ittihad Club (@ittihad_en) July 31, 2023
