И фудбалските второлигаши се обединија околу трагедијата во Кочани, сите мечеви почнаа со едноминутен молк и оддавање почит на настраданите во катастрофалниот пожар.
Денешното коло донесе убедливи победи на двете првопласирани екипи и кикс на третопласираната Брегалница, која сега има четири бодa минус во однос на Македонија Ѓорче Петров и Башкими.
Лавовите во Ѓорче со 4-0 беа подобри од последнопласираниот Вардарски, Башкими со 5-2 го совлада Вардар Неготино, а Брегалница во Штип одигра само 1-1 со Скопје. Сега штипјани имаат само два бода повеќе од четвртиот Арсими, кој триумфираше со 4-1 против Каменица Саса.
