Легендата на Јувентус и на италијанскиот фудбал, Џанлуиџи Буфон, во интервју за весникот „Ла Стампа“, тврди дека Серија А е втора во светот по квалитет зад Премиер лигата.
Поранешниот голман смета дека клубовите како Аталанта се моделот што треба да се следи.
„Нашиот фудбал се промени. По англиската Премиер лига, ние сме тука веднаш зад нив. Се променивме во нашите умови, имаме културна револуција на многу тренери, сега уживаме да ги гледаме натпреварите во Серија А“, изјави Буфон.
За успесите на Аталанта додаде: „Тие се тим кој е пример за сите. Не сум изненаден, бидејќи не можеш да импровизираш ако сакаш да достигнеш одредени нивоа во фудбалот. Семејството Перкаси има проект кој трае подолго време“, смета популарниот Џиџи.
