Менаџерите на Тотенхем, Жозе Мурињо, и на Вест хем, Дејвид Мојс, вечерва ќе го имаат првиот меѓусебен дуел откако имаа неуспешни авантури како тренери на најтрофејниот англиски клуб Манчестер јунајтед.
Мојс ќе се обиде да го изненади Мурињо во меч во кој Португалецот е фаворит со Тотенхем и очекува победа за продор кон местата што водат во еврокуповите.
Шкотот беше менаџер на Манчестер јунајтед неполни 12 месеци, од мај 2013 до април 2014 година, кога доби отказ од најтрофејниот англиски клуб.
Мурињо се задржа малку подолго и тргна во авантурата што не му донесе ништо добро во мај 2016 година, а ја заврши со отказ во декември 2018 година.
Мечот ќе се игра на стадионот на Тотенхем од 21.15 часот.
