Мора да одиграме похрабро и да шутираме на голот на противниците. Тоа е една од филозофиите на модерниот фудбал и да се напаѓа. иако сакаме да ја видиме истата пожртвуваност на дефанзивците против Македонија во Скопје, како на мечот со Ерменија, пишуваат медиумите во Лихтенштајн, како најава за вториот квалификациски дуел за настап на Мундијалот во Катар.
Лихтенштајн е асполутен аутсајдер во конкуренција на Македонија, Германија, Романија, Исланд и Ерменија, а цел им е да го упатат првиот удар кон голот на противничка репрезентација, откако тоа вчера против Ерменија не им успеа.
Загубија со 0:1 со автоголот на Ноа Фромелт, а имаа катастрофална статистика од 0:26 во вкупни удари кон голот и надвор од рамките, што е раритет за квалификациските дуели.
Сега се надеваат на подобро офанзивно издание, во вториот меч на новиот селектор Мартин Штокласа. Дебитираше на јубилеј, на 200. натпревар на Лихтенштајн, а како фудбалер има играно против нашата селекција.
Мечот ќе се игра во недела на националната арена во Скопје од 20.45 часот.
