За разлика од некои други кошаркари, за Лука Дончиќ не постојат дилеми дали ќе игра за репрезентацијата. Словенецот иако ќе игра во финалето на НБА-лигата со Далас, сепак одлучи дека летово ќе настапи на квалификациите за Летните олимписки игри, а потоа и на самата Олимпијада доколку Словенија обезбеди пласман.
Тој на репрезентацијата на Словенија ќе ѝ се приклучи по 17-ти јуни, односно по завршувањето на финалната серија во НБА-лигата, а квалификацискиот турнир во Грција ќе се одржува од втори до седми јули. Словенија е во група со Хрватска и Нов Зеланд, а потоа ќе вкрсти со некоја од екипите во другата група, каде што се Грција, Египет и Доминиканската Република.
Лука Дончиќ веќе четврти пат по ред и покрај големите напори во НБА-лигата, летниот одмор ќе го искористи за да настапи за репрезентацијата на Словенија.