Дека и во пониските фудбалски лиги има виртуози кои може да постигнат голови какви што не се видени во најсилните лиги, потврди и аргентинскиот играч Франко Валдез кој настапува во Ројал Обреро, тим од пониските лиги во Боливија.
Валдез имаше маестрален продор кој го заврши со спектакуларен погодок, со „ножички“. Овој гол сигурно вреди да биде во конкуренција за наградата „Пушкаш“, што Светската фудбалска федерација (ФИФА) ја доделува за најдобар погодок во сезоната во светски рамки.
