Четири порази по ред во Серија А беа кобни за Габриеле Чофи, тренер кој доби отказ во Верона.
Чофи кој пред една година му беше тренер на Илија Несторовски во Удинезе не издржа долго во Верона, каде беше кормилар од јуни годинава и имаше договор до 2024 година.
Клучен за отказот беше поразот на Верона викендов на гостувањето кај Салернитана со 2:1,со гол примен во 94. минута.
Клубот од градот на Ромео и Јулија по 9 кола има само пет бода и е на третото место одоздола на табелата, кое води во понизок ранг, односно во Серија Б.
Верона се уште не објави кој ќе го замени Чофи, а ова е веќе четврта смена на тренер во Серија А во оваа сезона.
Претходно откази имаше за Стропа во Монца, за Михајловиќ во Болоња и за Џампаоло во Сампдорија.
