Симонлука Агацоне, поранешниот младински репрезентативец на Италија, загина синоќа во сообраќајна несреќа. Агацоне, кој имаше 39 години, како младинец беше дел од Милан, а играше во средниот ред. Има 16 настапи за младинските селекции на Италија, но сепак како сениор не се прослави и настапуваше за тимови како СПАЛ, Специја, Монца, Новара…
Агацоне настрадал кога возилото во кое се возел удрило во дива свиња. Од тој удар, возилото излетало од патот, а Агацоне починал на самото место. Во автомобилот бил и 32-годишниот Матео Равето, но и тој починал во сообраќајката.