Серина Вилијамс одлучи предвреме да ја заврши тековната сезона, откако го откажа своето учество на турнирот во Пекинг, кој ќе почне следната недела. Некогашната најдобра тенисерка на светот ќе го отстапи местото на Екатерина Макарова.
Настапот во Пекинг требаше да биде последен за неа за оваа година, но поразот од Наоми Осака во финалето на Отвореното првенство на САД очигледно ќе биде нејзиното последно излегување на терените за оваа сезона. Триесет и седумгодишната тенисерка сезоната ја завршува со 18 победи и шест порази.
