Зенит ги вакцинираше своите навивачи, па даде четири гола (Видео)

Зенит го совлада Ахмат Грозни со 4-0 и го искористи киксот на ЦСКА Москва, за да се одлепи на врвот на табелата во руската Суперлига, но овој меч во Санкт Петербург го одбележа една друга работа, поточно нешто што се случуваше пред почетокот на средбата.

Зенит започна кампања за вакцинирање на своите фанови. Сите навивачи може да примат доза од вакцината „Спутник V“ против Ковид-19 на стадионот, пред секој домашен меч на Зенит.

Руското првенство е едно ретките во светот на кои се дозволива влез на публика на трибините. Имунизацијата ќе почнува на два часа пред секој домаќински дуел на Зенит, а целата процедура за секој човек ќе трае околу 15 минути. Потребно е само да се носи здравствена книшка и документ за идентификација.